WELKOM BY KLEUTERKLIEK!
Raad en idees vir jou klas of huis
Hierdie is jou een-stop bron van inligting vir onderrig van kinders in die vormingsjare.
Van baba tot skoolgereed – ons stap die onderrigpad saam met jou.
Ons noem dit die goue driehoek – die kind, die ouer en die onderrigter.
‘n Gedugte span wat die wêreld kan verander – een kind op ‘n slag…
DIE GOUE DRIEHOEK – KINDERS
Kom ons bereik die kleuters, een op ‘n slag…
Ons glo daarin om gesonde, wetenskaplik gefundeerde beginsels toe te pas in onderrig.
Dis veral belangrik in die voorskoolse jare – leer deur beweging, konkrete vaslê van konsepte en wegbeweeg van werkskaarte.
DIE GOUE DRIEHOEK – ONDERRIGTERS
Die kleuter-juffrou – ‘n toegewyde mens agter die skerms…
Hier vind ons die pligsgetroue juffrou, haar assistent, ook die “nanny” en au pair. Mense wat die uitkomste saam met die kind moet behaal.
DIE GOUE DRIEHOEK – OUERS
Meelewende ouers maak dit als moontlik.
Om aktief deel te neem aan jou kind se onderrig, is krities vir sukses.
Elkeen se situasie verskil egter.Dalk werk jy voldag en jou kind is in die kleuterskool. Jy gee miskien self onderrig vir jou kinders tuis. Moontlik is jy ‘n groot-ouer wat help kind oppas en ook ‘n positiewe bydrae wil lewer. Solank jy aktief deelneem is jy saam op die onderrigpad!
WAT BIED ONS JOU?
Raad en idees vir jou klas of huis, in verskeie formate!
Ons doen moeite om al ons materiaal deeglik in te deel volgens kategorieë en “tags” (onderwerpe). Kyk heel bo aan hierdie bladsy vir die blou soekkassie met die woorde “Soek hier vir enigiets”.
Maak ook seker jy teken in op ons gratis e-poslys, sodat jy gereeld nuus van nuwe plasings en materiaal kan kry. Jou nuusbrief word verpersoonlik – net nuus oor onderwerpe wat jy spesifiseer. Kyk heel bo vir die nuusbrief skakel.Let daarop dat toegang tot sekere materiaal betaling verg en beperk is tot ingeskrewe Oasis Klub lede. As jy op hierdie items kliek, sal jy die stappe kan volg om ook in te teken vir toegang. Dan is daar ook ‘n menigte items op ons aanlyn-winkel wat in van die plasings verskyn – sommige is gratis, ander is betaald.
In ‘n neutedop – hier het jy toegang tot goed geordende informasie. Soek dus jou onderwerp op en besluit dan self of die gratis materiaal voldoende is. Indien nie kan jy verder besluit watter betaalde materiaal jy wel benodig.
Belangrik om te onthou is dat ons graag jou spesifieke behoeftes sal wil weet, sodat ons spesifieke aanbevelings vir jou en jou kind se onderrig-opset kan maak.
Stuur vir ons ‘n Whatsapp stemnota of e-pos en ons antwoord jou ook so (hierdie is ‘n gratis konsultasie – ons help graag.)
Ons kontak-detail is heel onderaan hierdie bladsy.
Kom ons kyk nou na watter tipe materiaal ons hier vir jou het:
“All Foundation Phase learners, but Grade R learners, in particular, should not be stuck in chairs behind desks all morning. They instead need comfortable spaces with blankets and cushions and workspaces with chairs and tables to play, work and move around freely.”
KleuterKliek is ‘n inisiatief van Oasis Klub – jou oase op die onderrigpad.